ဖေဖေါ်ဝါရီမှာ ကျွန်တော်ဘာကိုအသဲအနာဆုံးလဲဆိုတော့..
ခင်ဗျားတို့စိတ်ဝင်စားသွားမှာပဲ စိတ်မကောင်းပါဘူးဗျာ ခင်ဗျားတို့ထင်တာ မှားသွားပါတယ် V Day တို့ ဘာဒေးတို့ မဟုတ်ပါဘူး ချောကလက်ထမင်းလွတ်မစားရလို့လဲ ကျွန်တော်စိတ်မနာပါဘူး (သွားဆေးခန်းကို ပိုက်ဆံပေးနေရတာ တစ်လစာပြည့်တော့မှာတောင် အမြစ်မပြတ်သေးဘူး ချောကလက်စားချင်ရင်တောင် ၁ပိုင်းကို၃ရက်လောက်ခွဲစားရတဲ့ဘဝ..)
နှင်းဆီပန်းမရလို့လဲ ဝမ်းမနည်းပါဘူး တာမွေဈေးမှာ တစ်သောင်းခွဲဖိုးဆိုရင် ရွှေတိဂုံဘုရားမှာ ဂြိုဟ်တိုင်အစေ့လှူလို့ရတယ်
ကျွန်တော်ရင်နာနေတာ ကြိုးစားပမ်းစားစုထားတဲ့ ပိုက်ဆံက ATM Machine မှာ ထုတ်သုံးလို့မရတော့တဲ့ဘဝ..
တကယ်အသဲပေါက်တယ်ဗျာ ဖေဖေါ်ဝါရီလမှာ ၂၈ရက်ပဲရှိလို့ ၃၁ရက်သာဆို ကျွန်တော်ရူးသွားလောက်တယ် ၁၁ရက်နေ့မှ လစာထုတ်တယ် Bank ထဲ ငွေထည့်ဖို့နေနေသာသာ ၁၈ရက်နေ့မှာ လစာမကျန်တော့ဘူး အဲ့ဒါတောင် ဒီလအိမ်ကို တစ်ကျပ်တောင်မပေးနိုင်ဘူးဗျ ၁၉ရက်နေ့ကနေ ၂၂ရက်နေ့ထိ Card ထဲကနေ တတိတိထုတ်သုံးနေတာ ၂၂ရက်နေ့မှာ ကျွန်တော့် Bank Account ထဲ လက်ကျန်ဂဏန်းလေးလုံးပဲရှိတော့တယ်
မနေ့က အဖေကပြောတယ်
သူလည်း အသက်ကြီးနေပြီဆိုတော့ ပိုက်ဆံအကုန်အကျများနေပေမယ့် နောက်လထဲဘုရားဖူးသွားမယ်တဲ့ သူတို့လင်မယားနှစ်ယောက်ထဲသွားမှာ ကျွန်တော်တို့ကိုမခေါ်ဘူးတဲ့ဗျာ ပိုက်ဆံချွေတာတာပေါ့ ကျွန်တော်ကစိတ်ရင်းနဲ့ အဖေနဲ့အမေ ဗုဒ္ဓဂါယာသွားဖူးပါလား ကျွန်တော်ပို့ပေးမယ်ပြောတော့ အဖေကရယ်တယ် နင်ကဘယ်ကပိုက်ဆံနဲ့ ပို့ပေးမှာလဲတဲ့ သူ့ကိုတောင် ကျွန်တော်ယူသုံးထားတာ မဆပ်နိုင်သေးတော့ ကျွန်တော့်ကို ယုံကြည်တာပေါ့ဗျာ
ဘယ်ရမလဲ ကျွန်တော်ပဲဗျာ ကိုယ်ပြောတဲ့စကားကို တာဝန်ယူတက်တဲ့ကောင်ပါ ကျွန်တော့်ပစ္စည်းတွေရောင်းပြီးပို့ပေးမယ်ပြောတော့ အဖေကဆဲရော နင်ကထစ်ခနဲရှိပစ္စည်းတွေကို မျက်စောင်းထိုးနေတာ
ကျွန်တော်က ဘာကိစ္စဖြစ်ဖြစ် စိတ်ညစ်မခံဘူးဗျ ပိုက်ဆံနည်းနေပြီဆိုရင် ပစ္စည်းတွေခဏခဏရောင်းသုံးတက်တယ် အဲ့လိုစည်းကမ်းမရှိတော့ အခုနောက်ပိုင်း အဖေကပစ္စည်းတွေကို သိမ်းထားလိုက်တော့ ကိစ္စပြတ်သွားရော
၂၈ရက်နေ့ဆို လကုန်ပြီ တစ်လလုံးအသုံးစရိတ်ကို ချပေါင်းလိုက်တော့ ဘုရားတသွားတယ် လစာနှစ်လစာနီးပါးပဲ ကျွန်တော်စုရင်တောင် တစ်နှစ်လောက့်စုရမှာ ရွှေပြည်တော်မျှော်တိုင်းဝေးရပြီ Account ထဲ ကပိုက်ဆံက CDMA ဖုန်းနံပါတ်ထက် မှတ်ရလွသြွားတာ စိတ်မကောင်းပါဘူး ကျွန်တော့်အတွက့်တော့ စိတ်ညစ်မခံတော့ဘူးဗျာ တနေ့တနေ့ အလုပ်ထဲမှာခေါင်းစားနေရတာ ကိုယ်ရေးကိုယ်တာကိစ္စပါ ထပ်စားနေရရင် ကျွန်တော်သေဖို့ပဲရှိတော့မယ် မေ့ထားလိုက်ပါပြီ စိတ်ညစ်စရာတွေကို
အသဲနာတာကတော့ အသဲနာတာပါပဲ ၂၈ရက်နဲ့တင်လစာရော
စုထားတဲ့ ပိုက်ဆံရော ကုန်သွားရတာ ကျွန်တော်မကျေနပ်ပါဘူး ဖေဖေါ်ဝါရီ..
No comments:
Post a Comment